"Манчестер Сити" етакчи ҳимоячиси Рубен Диаш жамоадоши - норвегиялик марказий ҳужумчи Эрлинг Холанд ҳақида фикр билдирди.
"Эрлинг жуда кучли. Шу зайлда давом этаверсин. У жамоамизнинг бутун қудратини кўрсатади, у асосий етакчилардан бири. Унинг статистикаси шуни кўрсатадики, у ҳали ҳам жуда оч. Клубнинг бошқа футболчиларида ҳам шундай кайфият бўлиши керак," - дея португалияликнинг сўзларини келтиради Sky Sports.
Скандинавиялик тўпурар 2025/2026 йилги мавсумда 21 та ўйинда қатнашиб, 21 та гол ва 3 та голли узатмани ўз ҳисобига ёздириб қўйди.
25 ёшли Холанднинг бозор нархи 200 миллион еврони ташкил этади. Норвегияликнинг шартномаси 2034 йил июнь ойи охирида тугайди.
