Барчаси келаси йили ҳужумчи Душан Влаховичнинг "Ювентус"ни тарк этишига қараб кетмоқда. Transfer News Live нашрининг Испаниянинг Sport нашрига таяниб хабар беришича, "Барселона" бир неча сабабларга кўра Влаховичдан кўнгли совиган. Биринчидан, каталонияликлар сербиялик футболчининг ўйин қобилиятига шубҳа билан қарашмоқда, иккинчидан эса, унинг бир мавсум учун 12 миллион евро миқдоридаги молиявий талаблари тўсиқ бўлмоқда.
Влаховични қўлга киритиш имконияти "Милан"да анча юқори. Сербиялик ҳужумчи А Серия топ-клубларидан бирини бошқасига алмаштириши мумкин.
Душан Влахович 25 ёшда. Нуфузли Transfermarkt портали мутахассислари футболчини 35 миллион еврога баҳоламоқда, аммо ёзда уни эркин агент сифатида текинга қўлга киритиш мумкин бўлади.
