"Борнмут" клуби ва АҚШ терма жамоаси ярим ҳимоячиси Тайлер Адамс Англия чемпионатининг 16-турида "Манчестер Юнайтед"га қарши сафар ўйинида (4:4) медиал коллатерал боғламидан жароҳат олгани айтилмоқда.

26 ёшли футболчи 5-дақиқада захирага олинди.

"Бу, албатта, ўйиндан кейинги энг ёмон янгилик. Тизза қайрилиб қолди, менимча, бу медиал коллатерал бойламнинг шикастланиши. Бу чўзилиш кичикми ёки жиддийроқми, текшириб кўришимиз керак бўлади. Тайлердек футболчини йўқотиш биз учун жуда сезилади," - дея жамоа бош мураббийи Андони Ираоланинг сўзларини келтиради AP.

2025/26 йилги мавсумда Адамс 16 та ўйинда иккита гол урди ва битта голли узатмани амалга оширди. У 2024/25 йилги мавсумда жароҳатлари туфайли 12 та, 2023/24 йилги мавсумда эса 35 та ўйинни ўтказиб юборди.