"Bornmut" klubi va AQSH terma jamoasi yarim himoyachisi Tayler Adams Angliya chempionatining 16-turida "Manchester Yunayted"ga qarshi safar o‘yinida (4:4) medial kollateral bog‘lamidan jarohat olgani aytilmoqda.
26 yoshli futbolchi 5-daqiqada zaxiraga olindi.
"Bu, albatta, o‘yindan keyingi eng yomon yangilik. Tizza qayrilib qoldi, menimcha, bu medial kollateral boylamning shikastlanishi. Bu cho‘zilish kichikmi yoki jiddiyroqmi, tekshirib ko‘rishimiz kerak bo‘ladi. Taylerdek futbolchini yo‘qotish biz uchun juda seziladi," - deya jamoa bosh murabbiyi Andoni Iraolaning so‘zlarini keltiradi AP.
2025/26 yilgi mavsumda Adams 16 ta o‘yinda ikkita gol urdi va bitta golli uzatmani amalga oshirdi. U 2024/25 yilgi mavsumda jarohatlari tufayli 12 ta, 2023/24 yilgi mavsumda esa 35 ta o‘yinni o‘tkazib yubordi.
