"Барселона"нинг собиқ бош мураббийи Хави Эрнандес Англия Премьер-лигасида ишлаш учун очиқ. Бу ҳақда журналист Жесси ижтимоий тармоқларда хабар берди.

Манбага кўра, "Барселона"нинг собиқ бош мураббийи исталган вақтда Англиянинг етакчи клубларидан бирини бошқаришга тайёр. Яқинда "Тоттенхэм" ва "Челси" испаниялик мутахассиснинг агентлари билан алоқага чиқди, аммо "шпорлар" шунчаки вазиятни ўрганиб кўрган бўлса, "кўклар"да мутахассисга аниқ қизиқиш бор. Таъкидланишича, "Челси" бир неча ҳафтадан бери афсонавий собиқ футболчи билан мулоқот қилмоқда ва агар клубда Энцо Марескининг истеъфоси ҳақида қарор қабул қилинса, унинг ўрнига биринчи номзод айнан Хави бўлади.

"Челси" 16 турдан кейин АПЛда 28 очко билан тўртинчи ўринда бормоқда. "Тоттенхэм" 22 очко билан 11-ўринда бормоқда.