"Barselona"ning sobiq bosh murabbiyi Xavi Ernandes Angliya Premyer-ligasida ishlash uchun ochiq. Bu haqda jurnalist Jessi ijtimoiy tarmoqlarda xabar berdi.
Manbaga ko‘ra, "Barselona"ning sobiq bosh murabbiyi istalgan vaqtda Angliyaning yetakchi klublaridan birini boshqarishga tayyor. Yaqinda "Tottenxem" va "Chelsi" ispaniyalik mutaxassisning agentlari bilan aloqaga chiqdi, ammo "shporlar" shunchaki vaziyatni o‘rganib ko‘rgan bo‘lsa, "ko‘klar"da mutaxassisga aniq qiziqish bor. Ta’kidlanishicha, "Chelsi" bir necha haftadan beri afsonaviy sobiq futbolchi bilan muloqot qilmoqda va agar klubda Enso Mareskining iste’fosi haqida qaror qabul qilinsa, uning o‘rniga birinchi nomzod aynan Xavi bo‘ladi.
"Chelsi" 16 turdan keyin APLda 28 ochko bilan to‘rtinchi o‘rinda bormoqda. "Tottenxem" 22 ochko bilan 11-o‘rinda bormoqda.













