UFC’нинг ярим енгил вазн тоифасидаги амалдаги чемпиони, 37 ёшли Александр Волкановски россиялик Ислом Махачев ва испаниялик Иля Топурия билан реванш жангини ўтказиш истагини билдирди.
"Ислом ва Топурия билан яна жанг қилиш ажойиб бўларди. Тўғрисини айтсам, ҳозир бунинг иложи йўқ. Биласизми, менинг даъватларим шунчаки маънога эга эмас. Қўш чемпион бўлиш учун бу лавозимга лойиқ бўлиш керак. Ҳали ҳам тушунаман, ўз вазн тоифамда кўп иш қилишим керак.
Шунинг учун ҳозир узоққа боришни истамайман, реванш ҳақида гап кетаётган бўлса, унгача ҳали икки-учта жанг бор. Хўш, ҳозир бу ҳақда ўйлашнинг нима кераги бор? Аммо бугун менга буни таклиф қилишса, албатта, рози бўлардим", - дея Волкановскининг сўзларини келтиради FOX Sports Australia портали.
