"Барселона" клуби ва Польша терма жамоаси ҳужумчиси Роберт Левандовски Лионель Мессига жамоадош бўлиши мумкин.
Польша терма жамоасининг собиқ футболчиси, ҳозирда журналист Марек Юзвякнинг маълум қилишича, "Интер Майами" 37 ёшли форвардни 2025 йил охирида шартномаси тугайдиган Луис Суарес ўрнига олиб келишга жиддий қизиқиш билдирмоқда.
Юзвякнинг маълум қилишича, Америка клуби аллақачон Левандовски учун Майамида турар жой қидирмоқда.
Левандовскининг "Барселона" билан шартномаси жорий мавсум охиригача мўлжалланган.













