"Хоффенхайм" ва "Ливерпуль" клубларининг собиқ ҳужумчиси, ҳозирда Қатарнинг "Ас-Садд" клуби футболчиси Роберто Фирмино Мадриднинг "Реал" клубига ўтишдан икки марта бош тортганини айтди.
"Реал"нинг таклифига икки марта рад жавобини берганман. "Ливерпуль"га ўтишдан олдин ва Саудия Арабистонига келишидан бироз олдин," - дея Фирминонинг сўзларини келтиради AllThingsBrazil Х ижтимоий тармоғида.
Фирмино 2015 йилдан 2023 йилгача "Ливерпуль"да ўйнаган. Мерсисайдликлар таркибида бразилиялик футболчи Англия Премьер-лигаси, ички кубоклар, Европа Чемпионлар Лигаси ва клублар ўртасидаги жаҳон чемпионатида ғолиб чиқди. 2023 йилда Роберто Саудия Арабистонининг "Ал-Аҳли" жамоасига қўшилди ва у ерда 2 йил ўйнади.
