"Барселона" клуби қанот ҳужумчиси Рафинья The Best соврини учун ФИФА талқини бўйича йилнинг рамзий терма жамоасига киритилмади.

Ўтган мавсумда бразилиялик футболчи "кўк-анорранглилар" сафида барча мусобақаларда 57 та ўйинда 34 та гол ва 26 та голли узатмани амалга оширди. Рафинья Чемпионлар лигасининг энг яхши тўпурари (13 та гол) ва мусобақанинг энг яхши ассистенти (саккизта голли узатма) бўлди. Рафинья "Барселона" билан Испания чемпионати, мамлакат кубоги ва Суперкубогида ғолиб чиқди.

ФИФА талқини бўйича 2025 йил рамзий терма жамоаси: Жанлуижи Доннарумма ("Манчестер Сити"/"ПСЖ"), Ашраф Ҳакимий ("ПСЖ"), Вильям Пачо ("ПСЖ"), Виржил ван Дейк ("Ливерпуль"), Нуну Мендеш "ПСЖ", Витинья ("ПСЖ"), Педри ("Барселона"), Коул Палмер ("Челси"), Жуд Беллингем ("Реал"), Ламин Ямал ("Барселона"), Усмон Дембеле ("ПСЖ").