Франция чемпионатида "Марсель" шарафини ҳимоя қилаётган 30 ёшли даниялик ярим ҳимоячи Пьер-Эмиль Хёйбьерг Италия А Сериясида ишлаш имкониятига эга.
Gazzetta dello Sport нашри тарқатган хабарга кўра тажрибали хавбек хизматига Туриннинг "Ювентус" клуби қизиқиш билдирмоқда. Хёйбьергни "кекса синьора" устози Лучано Спаллетти сотиб олиш ташаббуси билан чиқмоқда. Битим январь ойидаги трансфер ойнасида расмийлаштирилиши мумкин.
Даниялик ва провансалликлар ўртасидаги амалдаги шартнома 2028 йилнинг ёзида якунига етади. Ярим ҳимоячининг нархи 18 миллион еврога баҳоланмоқда.













