Хави Эрнандес қайси вазиятда Лондоннинг "Тоттенхэм" клубини бошқариши мумкинлиги маълум бўлди.
Хабарларга кўра, агар "шпорлар" раҳбарияти уни клубда кўришни истаса, "Барселона" тарбияланувчиси ҳисобланган "Лос-Анжелес Гэлакси"нинг 26 ёшли марказий ярим ҳимоячиси Рики Пучни сотиб олиши керак. Хавининг фикрича, "Тоттенхэм" майдон марказига креатив футболчи керак. Бундан ташқари, Хави Гавини Лондонда кўришни истамоқда, аммо у "Барселона" уни сотмаслигини тушуниб турибди.
Айни пайтда "Тоттенхэм" бош мураббийи Томас Франк бўлиб, у жамоани жорий мавсум бошида қабул қилиб олган. "Шпорлар" 16 турдан сўнг Премьер-лигада 22 очко билан 11-ўринда бормоқда.
