Лондоннинг "Тоттенхэм" клубида тўп тепаётган қанот ҳимоячиси Педро Порро фаолиятини Англия Премьер-лигасининг нуфузлироқ клубида давом эттириши мумкин.
Испаниялик футболчининг трансферига Манчестернинг икки клуби қизиқиш билдирмоқда. Гап "Манчестер Юнайтед" ва "Манчестер Сити" ҳақида кетмоқда. Потенциал битим кейинги ёзда расмийлаштирилиши мумкин.
Порро 2023 йилнинг ёзидан буён "шпорлар" шарафини ҳимоя қилиб келмоқда. Томонлар ўртасидаги амалдаги меҳнат шартномасининг муддати 2028 йил июнь ойи охирида тугайди. Transfermarkt портали экспертлари 26 ёшли испанияликнинг бозор нархини 40 миллион еврога баҳоламоқда.













