"Арсенал"нинг германиялик ҳужумчиси Кай Хаверц жорий йил якунига қадар сафга қайтишга қатъий қарор қилган. Бу ҳақда HandofArsenal хабар бермоқда.
Манбага кўра, 26 ёшли футболчи декабрь ойи охиригача майдонга тушиш учун фаол ҳаракат қилмоқда. Бироқ ҳаммаси Ҳаверцнинг организмига боғлиқ бўлади, ҳеч ким таваккал қилмоқчи эмас. Таъкидланишича, футболчининг тикланиш жараёни жиддий назоратга олинган. Шу билан бирга, таъкидланишича, клубда немиснинг муддатидан олдин қайтишига нисбатан эҳтиёткорона оптимизм сақланиб қолмоқда.
Ҳаверц жорий мавсумда Англия Премьер-лигаси 1-туридан ўрин олган "Манчестер Юнайтед"га (1:0) қарши ўйинда майдонга тушди. Шундан буён ҳужумчи тиззасидаги жароҳатини даволаб келмоқда.
Йил охиригача "Арсенал" "Эвертон", "Кристал Пэлас", "Брайтон" ва "Астон Вилла" билан ўйнаши керак.
