Саудия Арабистонининг “Ал-Иттиҳод” клуби ҳужумчиси Карим Бензема севгилиси билан учрашув ўтказиш учун Лувр музейини ижарага олди.

Маълумотларга кўра, футболчи Париждаги машҳур Лувр музейини 12 минг еврога ижарага олиб, севгилиси билан романтик учрашув ташкил қилган. Бензема 33 ёшли, асли келиб чиқиши жазоирлик бўлган актриса ва модел Лина Худри билан муносабатда бўлиб, жуфтлик бўш музейда бирга вақт ўтказган.

Футболчи ўзининг ижтимоий тармоқдаги саҳифасида Лувр музейи олдида севгилиси билан сайр қилаётгани акс этган суратларни эълон қилди.













