Саудия Арабистонининг "Ал-Ҳилол" клуби раҳбарияти жамоа ярим ҳимоячиси Рубен Невешни клуб билан шартномани узайтиришга кўндира олмади. Бу ҳақда журналист Грэм Бэйли хабар бермоқда.
Манбага кўра, 28 ёшли португалиялик футболчи клуб билан янги меҳнат шартномасини имзолашдан бош тортган ва Европага қайтиш учун очиқ. Невешга ҳамон асосий даъвогар "Манчестер Юнайтед" бўлиб турибди, жамоа Невешга анчадан буён қизиқиш билдирмоқда.
Невеш 2023 йилда Яқин Шарққа кўчиб ўтди ва "Ал-Ҳилол" билан уч мавсумлик шартнома имзолади. Жорий мавсумда у барча мусобақаларда 15 та ўйин ўтказиб, бешта гол урди ва битта голли узатмани амалга оширди.
