Saudiya Arabistonining "Al-Hilol" klubi rahbariyati jamoa yarim himoyachisi Ruben Neveshni klub bilan shartnomani uzaytirishga ko‘ndira olmadi. Bu haqda jurnalist Grem Beyli xabar bermoqda.

Manbaga ko‘ra, 28 yoshli portugaliyalik futbolchi klub bilan yangi mehnat shartnomasini imzolashdan bosh tortgan va Yevropaga qaytish uchun ochiq. Neveshga hamon asosiy da’vogar "Manchester Yunayted" bo‘lib turibdi, jamoa Neveshga anchadan buyon qiziqish bildirmoqda.

Nevesh 2023 yilda Yaqin Sharqqa ko‘chib o‘tdi va "Al-Hilol" bilan uch mavsumlik shartnoma imzoladi. Joriy mavsumda u barcha musobaqalarda 15 ta o‘yin o‘tkazib, beshta gol urdi va bitta golli uzatmani amalga oshirdi.