"Эвертон" клуби қанот ҳужумчиси Жек Грилиш жамоадоши Илиман Ндиайенинг савиясига юқори баҳо берди.
"Ндиайе – Премьер-лигадаги энг техник ўйинчи. Агар соф маҳорат ҳақида гапирадиган бўлсак, ҳа. Масалан, Сака жуда яхши, у дунёдаги энг яхши вингерлардан бири", деди Грилиш.
Жорий мавсумда сенегаллик вингер барча мусобақаларда 18 та ўйинда майдонга тушиб, 4 та гол ва 2 та голли узатмага муаллифлик қилди.
"Эвертон" Англия чемпионатининг 16-туридан кейин 24 очко билан турнир жадвалида тўққизинчи ўринда бормоқда.
