Бразилиянинг "Васко Да Гама" клуби қанот ҳужумчиси Райан "Тоттенхэм" қизиқишлар доирасига кириб қолди. Бу ҳақда NT Vascaínos хабар бермоқда.
Манбага кўра, Лондон клуби мураббийлар штаби 19 ёшли вингерни диққат билан кузатиб бормоқда. "Шпорлар" қишдаёқ бразилияликларга расмий таклиф билан чиқиши мумкин.
Бироқ, аввал хабар қилинганидек, трансферга Мадриднинг "Реал" клуби тўсқинлик қилиши мумкин - "қаймоқранглилар" Райан учун 50 млн евро беришга тайёр.
Жорий йилда ёш футболчи барча турнирларда 56 та ўйинда майдонга тушди. У 20 та гол урди ва битта голли узатмани амалга оширди. Transfermarkt Райанни 25 млн еврога баҳоламоқда.
