"Барселона" жамоа бош мураббийи Ханси Фликнинг келажаги борасида муҳим қарор қабул қилди.
Германиянинг нуфузли BILD нашри манбаларига кўра, "кўк-анорранглилар" раҳбарияти 60 ёшли германиялик мутахассис билан шартномани узайтирмоқчи. Унинг клуб билан амалдаги келишуви 2027 йилнинг июнь ойи охиригача амал қилади.
Қайд этилишича, "Барса" Фликка 2028 йилгача мўлжалланган янги шартнома таклиф қилишга тайёр.
Ханс-Дитер Флик қўл остида "Барселона" барча мусобақаларда 84та ўйин ўтказди (62 ғалаба, 9 дуранг ва 13 мағлубият). У клуб билан ўтган мавсумда Ла Лига, Испания кубоги ва Суперкубогини қўлга киритди.
