"Барселона" "Манчестер Юнайтед"га тегишли бўлган ҳужумчи Маркус Рэшфорд билан тўлақонли шартнома имзолаш учун курашда ютқазиши мумкин. Бу ҳақда El Nacional хабар бермоқда.
Манбага кўра, англиялик форвардга Мадриднинг "Атлетико" клуби қизиқиш билдирмоқда. "Матрасчилар" Рэшфорднинг 2026 йил ёзидаги трансфери вариантини ўрганмоқда, аммо футболчининг ўзи доимий равишда Каталония клубида қолишни афзал кўради.
"Барселона" Маркус Рэшфордни жорий мавсум якунига қадар "Манчестер Юнайтед"дан ижарага олди. Жорий мавсумда инглиз "кўк-анорранглилар" сафида барча мусобақаларда 23 та ўйинда майдонга тушиб, 7 та гол урди ва 11 та голли узатмани амалга оширди.
