"Ливерпуль" ҳужумчиси Александер Исак йил якунлари бўйича Швециянинг энг яхши футболчисига топшириладиган "Олтин тўп" соврини соҳибига айланди.
Мукофот Швеция футбол ассоциацияси томонидан Aftonbladet газетаси билан ҳамкорликда ўтказилади.
2025 йилда 26 ёшли Исак "Ньюкасль", "Ливерпуль" ва Швеция терма жамоаси сафида 42 та ўйинда майдонга тушиб, 17 та гол урган ва 4 та голли узатмани амалга оширган. Ушбу соврин учун курашда Исак "Арсенал" ҳужумчиси Виктор Дьёкерешни ортда қолдирди.
Исак 2025 йилнинг сентябрида 145 миллион евро эвазига "Ньюкасл"дан "Ливерпуль"га ўтганди. У жорий мавсум мерсисайдликлар сафида барча мусобақаларда 15 та ўйинда майдонга тушиб, 2 та гол урди ва 1 та голли узатмани амалга оширди. Унинг клуб билан шартномаси 2031 йилнинг июнь ойи охиригача мўлжалланган.
