"Интер" бош мураббийи Кристиан Киву Италия Суперкубоги доирасидаги "Болонья"га (1:1, пен. - 2:3) ўйинда дарвозада нега Хосеп Мартинес турганини тушунтирди.
"Менда 25 нафар футболчи бор ва уларнинг барчаси ўйин амалиётига лойиқ, уларнинг барчаси чемпион ва мен уларга ўзларини кўрсатиш, жамоага ёрдам бериш имкониятини беришим керак. Бу жамоанинг амбициялари катта ва мавсум узоқ, шунинг учун бизга ҳамма нарса керак," - дея Кивунинг сўзларини келтиради Football Italia.
27 ёшли футболчи 28 октябрдан буён миланликлар сафида илк ўйинини ўтказди. Умуман олганда, у бу мавсумда барча мусобақаларда 4 та ўйинда 3 та гол ўтказиб юборди ва бир бор дарвозасини дахлсиз сақлаб қолди.
