"Манчестер Сити" бош мураббийи Хосеп Гвардиола ўз мақсадлари ҳақида гапирди. Испаниялик "шаҳарликлар"ни 2016 йилдан бери бошқариб келмоқда ва ўтган мавсум унинг қўл остидаги жамоа учун энг ёмони бўлди. Премьер-лигада учинчи ўрин ва Чемпионлар лигаси плей-оффининг дастлабки босқичидан тушиб кетди.
"Мен яна АПЛ ва Чемпионлар Лигасида ғалаба қозонишни истайман, аммо бу эрталаб уйғонадиган нарса эмас. Гап жараёнда, йўлда, мукаммалликка интилишда", - деди мураббий "Вест Хэм"га қарши шанба кунги ўйин олдидан ўтказилган матбуот анжуманида.
Айни дамда Гвардиола жамоаси Англия чемпионати турнир жадвалида пешқадам "Арсенал"дан 2 очко ортда қолиб, 2-ўринда бормоқда.
