"Барселона" "Марсель" вингери Мэйсон Гринвуд билан шартнома имзолашга тайёргарлик кўрмоқда. Аввалроқ "Манчестер Юнайтед"нинг энг умидли ўйинчиларидан бири саналган 24 ёшли ҳужумчи яна элитага қайтиш учун курашни давом эттирмоқда. TEAMtalk хабарига кўра, каталонияликлар Гринвуднинг трансферига қизиқиш билдирмоқда, аммо клуб жамоатчилик эътирозлари ва обрўси учун хавфларга дуч келиши керак.
Англиялик футболчи трансферга қизиқиш билдирган ва ўз агентларига Европанинг етакчи клубларидан бирига ўтишга кўмаклашишни топширган. Гринвуднинг айни пайтдаги спорт формаси ҳайратланарли: унинг "Хетафе"даги ижараси ва "Марсел"даги ўйинлари юқори даражани намойиш этди ва бу "Барселона"нинг эътиборини тортди. Бироқ, клуб раҳбарияти аёллар ҳуқуқлари учун мухлислар ва фаоллар томонидан норозилик билдирилиши мумкинлигидан хавотирда, бу эса трансферни нозик масалага айлантиради.
2022 йилда Гринвудга зўрлашга уриниш, ҳужум ва назорат қилувчи хатти-ҳаракатлар айблови қўйилган. Иш 2023 йилда асосий гувоҳлар ўз кўрсатмаларини қайтариб олганидан кейин тўхтатилган, аммо футболчининг обрўсига таъсири унинг фаолиятига таъсир қилишда давом этмоқда. Инглиз клублари жамоатчиликнинг салбий муносабати ва ҳомийлар билан юзага келиши мумкин бўлган муаммолардан қўрқиб, эҳтиёткорлик билан ҳаракат қилмоқда.
Жорий мавсумда Гринвуд "Марсель" сафида 21 та ўйинда майдонга тушиб, 14 та гол урди ва тўртта голли узатмани амалга оширди.
