"Тоттенхэм" дарвозабони Гульелмо Викарио жорий мавсумдаги ўйинлари учун танқидларга учради.
ОАВда янги дарвозабоннинг қишки трансферлар давридаёқ жамоага келиши мумкинлиги ҳақида фаол гап-сўзлар юрибди, аммо "шпорлар"да бундай режалар йўқ. Журналист Метт Лоунинг маълум қилишича, "Тоттенхэм" италиялик футболчининг ўрнига январда шартнома имзолаш ниятида эмас. 29 ёшли футболчи камида мавсум охиригача лондонликлар сафида қолиши кутилмоқда.
Викарио жорий мавсум Томас Франк жамоаси сафида 23 та "жанг"да 30 та гол ўтказиб юборди. Футболчининг "Тоттенхэм" билан амалдаги шартномаси 2028 йилга қадар имзоланган.
