"Tottenxem" darvozaboni Gulyelmo Vikario joriy mavsumdagi o‘yinlari uchun tanqidlarga uchradi.
OAVda yangi darvozabonning qishki transferlar davridayoq jamoaga kelishi mumkinligi haqida faol gap-so‘zlar yuribdi, ammo "shporlar"da bunday rejalar yo‘q. Jurnalist Mett Louning ma’lum qilishicha, "Tottenxem" italiyalik futbolchining o‘rniga yanvarda shartnoma imzolash niyatida emas. 29 yoshli futbolchi kamida mavsum oxirigacha londonliklar safida qolishi kutilmoqda.
Vikario joriy mavsum Tomas Frank jamoasi safida 23 ta "jang"da 30 ta gol o‘tkazib yubordi. Futbolchining "Tottenxem" bilan amaldagi shartnomasi 2028 yilga qadar imzolangan.
