"Манчестер Сити" дарвозабони Жанлуижи Доннарумма жамоа бош мураббийи Хосеп Гвардиола билан муносабатлари ҳақида гапирди.

"Мен Пепни жуда ҳурмат қиламан. Бизнинг муносабатларимиз аъло даражада, у менга турли вазиятларда тўғри қарор қабул қилиш ва хотиржамликни сақлашга ёрдам беради. Бундай мураббий билан ишлашни ҳамма орзу қилади. Унинг жамоасида бўлиш бахтига муяссар бўлдим. Умид қиламанки, биз бу ерда яна кўп йилларни бирга ўтказамиз ва клубга тарихни қайта ёзишда ёрдам берамиз. Мен учун бу ўзгача," - дея "шаҳарликлар" дарвозабонининг сўзларини келтиради Sport Witness.

Жанлуижи Доннарумма "Манчестер Сити"га сентябрь ойида Франциянинг "ПСЖ" клубидан кўчиб ўтганди.