"Ковентри" ва "Саутгемптон" ўртасидаги Чемпионшип доирасидаги ўйин Фрэнк Лэмпарднинг мезбон жамоа мухлисларига нисбатан қилган провакацион ҳаракати туфайли муштлашувга айланиб кетди.

"Сент-Мери" стадионида 1:1 ҳисобида дуранг қайд этилганидан сўнг, "Ковентри" бош мураббийи Фрэнк Лэмпард "Саутгемптон" мухлисларига киноя билан бош бармоғини кўрсатди. Бу ҳаракат "авлиёлар"нинг бир нечта ўйинчисини ғазаблантирди ва майдонда кескин тўқнашувга сабаб бўлди.

• "Саутгемптон" футболчилари, айниқса Лео Сциенца ва Тейлор Харвуд-Беллис, якуний ҳуштак чалиниши биланоқ Лэмпард билан тортишувга киришди.

Кейинчалик мураббий ўз ҳаракатини ҳис-ҳаяжонга берилиб қилгани ва мухлисларнинг ҳақоратларига жавобан юз бергани билан изоҳлади, аммо вазият "бироз кескинлашиб кетганини" тан олди.