"Бавария" сафарда Германия чемпионатининг 15-турида "Хайденхайм"ни мағлуб этди - 4:0.
Учрашувнинг 15-дақиқасида Йосип Станишич ҳисобни очди. 32-дақиқада Майкл Олисе мюнхенликларнинг иккинчи голини урган бўлса, 86-дақиқада Луис Диас Станишичнинг узатмасидан кейин ҳисобни йирик кўринишга олиб келди. Ҳакам томонидан қўшиб берилган дақиқаларда Харри Кейн меҳмонларнинг тўртинчи голини урди.
"Бавария" бу мавсум Бундеслигада бирорта ўйинда мағлубиятга учрамади ва 41 очко билан пешқадамликни давом эттирмоқда. "Хайденхайм" 11 очко билан сўнгги, 17-ўриндан бир поғона олдинда бормоқда.
Кейинги турда мюнхенликлар 11 январь куни "Вольфсбург"ни қабул қилади, "Хайденхайм" эса бир кун аввал ўз майдонида "Кёльн"га қарши баҳс олиб боради.
Германия чемпионати. 15-тур
21 декабрь, 21:30. «Voith-Arena» (Хайденхайм)
Хайденхайм - Бавария - 0:4
Голлар: Станишич, 15 (0:1). Олисе, 32 (0:2). Диас, 86 (0:3). Кейн, 90 (0:4)
Хайденхайм: Рамай, Гимбер, Майнка, Буш (Нихюс, 66), Ференбах, Дорш, Шеппнер (Кауфманн, 66), Траоре, Хонзак (Шиммер, 46), Кербер (Ибрагимович, 46), Пирингер (Конте, 66)
Бавария: Урбиг, Ито (Дэйвис, 73), Та, Упамекано (Киала, 90), Станишич, Рафаэл Геррейру (Сантуш Дайбер, 72), Горецка, Диас, Карл (Гнабри, 63), Олисе (Майк, 90), Кейн
Ҳакам: Бадштюбнер (Германия)
