Ҳимоячи Жюль Кунде жароҳат олди ва Ла Лиганинг "Вильярреал"га қарши ўйинида иккинчи бўлим якунига яқин алмаштирилди. Кунде Испания Суперкубогини ўтказиб юбориши мумкинлиги ҳақида матбуотда маълумотлар пайдо бўлди. Ўйиндан кейин франциялик футболчининг ҳолати ҳақида "кўк-анорранглилар" бош мураббийи Ханс-Дитер Флик изоҳ берди.
"Кунде? Менимча, унинг аҳволи яхши. Сўнгги уч-тўрт кун ичида у муаммоларга дуч келди - у касал эди. Баҳолашимча, вазият унчалик жиддий эмас. У майдондан чиқиб кетаётганида, бу шунчаки мушаклар тортишиши эканлигини айтди. Умид қиламизки, шундай," - дея Фликнинг сўзларини келтиради Barca Universal.
"Барселона" Испания чемпионатида пешқадамлик қилмоқда. Иккинчи "Реал" эса 4 очко ортда қолмоқда.
