Ўзбекистон футзал бўйича миллий терма жамоаси Бухоро шаҳрида Россия терма жамоасига қарши иккинчи ўртоқлик учрашувини ўтказди.
Учрашувнинг биринчи бўлимида ҳисоб очилмади. Танаффусдан кейин эса майдон эгалари — Ўзбекистон терма жамоаси ҳисобни очишга муваффақ бўлди. Бироқ шундан сўнг россиялик футзалчилар етти дақиқа ичида уч бор дарвозамизни ишғол этиб, ўйин тақдирини ўз фойдаларига ҳал қилишди. Натижада учрашув Россия терма жамоасининг 3:1 ҳисобидаги ғалабаси билан якунланди.
Эслатиб ўтамиз, жамоалар ўртасида ўтган биринчи ўртоқлик баҳсида Ўзбекистон терма жамоаси 3:2 ҳисобида ғалаба қозонган эди.













