"Манчестер Юнайтед"нинг афсонавий собиқ футболчиси Гари Невилл "Челси"нинг қийинчиликлари ҳақида фикр билдирди.
Шанба куни "кўклар" "Ньюкасл" билан дуранг ўйнади (2:2). Энцо Мареска жамоаси 17 турдан сўнг Премьер-лига турнир жадвалида тўртинчи ўринни эгаллаб турибди.
"Менда шундай ҳиссиёт борки, "Челси" ҳеч қачон хўжайинлар кутган натижага эриша олмайди ва бунда футболчилар ёки мураббийнинг айби бўлмайди. Келажак учун таркиб йиғиш эмас, айнан ҳозир ғалаба қозона оладиган жамоа тузиш керак эди. "Челси"га ҳақиқий йиртқичлар керак, ҳозир уларга қарши ўйнаш унчалик қийин эмас - уларни синдириш жуда осон", - деди Невилл.
27 декабрь куни лондонликлар ўз уйида "Астон Вилла"га қарши баҳс олиб боради.
