"Монако" бош мураббийи Себастьян Поконьоли Поль Погбанинг ҳозирги ҳолати уни хавотирга солмаслигини айтди.
32 ёшли ярим ҳимоячи Франция кубогида "Осер"га қарши ўйинда таркибга киритилмаган эди. Погба илгари Лига 1 доирасида "Марсел"га қарши баҳсни ўтказиб юборган ва Чемпионлар Лигасидаги "Галатасарой"га қарши учрашувда захира ўриндиғида қолган эди.
"Погбанинг содир бўлган воқеадан кейин яна ўзига келгани таъсирли. Лекин ҳозир мен келажакка қарай олмайман. У ўз устида ишлаяпти ва биз уни қўллаб-қувватлаяпмиз.
Мен ҳаддан ташқари хавотирда эмасман", деди Поконьоли.
Погба 2025 йилнинг ёзида допинг истеъмол қилгани учун дисквалификацияси тугаганидан кейин эркин агент мақомида "Монако"га ўтганди. Жорий мавсумда футболчи "Монако" сафида Франция чемпионатида учта ўйинда майдонга тушди ва самарали ҳаракат қилмади.
