Англиянинг "Брайтон" клубида жамоа ярим ҳимоячиси Карлос Балебанинг келажаги бўйича қарор қабул қилинди.

Times Sport хабарига кўра, "чайкалар" 21 ёшли камерунлик футболчини камида 2027 йилгача сотишни режалаштирмаяпти. Клубнинг бу қарори "Манчестер Юнайтед" эътиборини "Кристал Пэлас" футболчиси Адам Уортонга қаратишга мажбур қилди.

Эслатиб ўтамиз, ўтган ёзги трансферлар вақтида ҳам "қизил иблислар" Балебани ўз сафига қўшиб олишни жуда ҳам исташганди, аммо трансфер амалга ошмади.

Жорий мавсумда ярим ҳимоячи барча мусобақаларни инобатга олган ҳолда 19 та ўйинда майдонга тушди ва самарали ҳаракат қилмади. Футболчининг "Брайтон" билан шартномаси 2028 йилнинг ёзигача мўлжалланган.