Ўз голлари билан "Сантос"ни Бразилия қуйи лигасига тушиб кетишдан қутқариб қолган Неймар тиззасидан операция қилинди, дея хабар берди Globo нашри.
Жарроҳлик амалиётини Бразилия терма жамоаси шифокори Родриго Ласмар ўтказди.
33 ёшли футболчи якунланган мавсумда жами 28 та ўйинда 11 та гол уриб, 4 та ассист амалга оширди. Унинг "Сантос" билан шартномаси ой охирида якунланади.














