Яқинда "Арсенал" ҳужумчиси Габриэль Жезус тиззасидан олган жароҳатидан тикланиб сафга қайтди. Ўшандан бери бразилиялик футболчи уч марта захирадан майдонга тушди. "Канонирлар" бош мураббийи Микель Артета Жезус Лига кубоги доирасида "Кристал Пэлас"га қарши ўйинни асосий таркибда бошлай оладими, деган саволга жавоб берди.
- Ҳа, мумкин. Буни қанчалик исташи ҳозирданоқ кўриниб турибди. Тез орада у ўз имкониятига эга бўлади," - дея Артетанинг сўзларини келтиради Goal портали.
"Арсенал" ва "Кристал Пэлас" 23 декабрь, сешанба куни Лига кубогининг чорак финал учрашувини ўтказади. Қарама-қаршилик ғолиби ярим финалга йўл олади ва у ерда "Челси"га қарши ўйнайди.
