Лондоннинг "Челси" клуби бош мураббийи Энцо Мареска Англия Премьер-лигаси доирасидаги "Астон Вилла"га қарши ўйинни ўтказиб юборади.
Гап шундаки, Англия чемпионатининг 17-туридан ўрин олган "Ньюкасл"га (2:2) қарши баҳсда Мареска навбатдаги сариқ карточкасини олганидан сўнг, "Астон Вилла"га қарши ўйин учун дисквалификация қилинди. Мураббийнинг ўзи бу карточкага қуйидагича изоҳ берди:
"Мен норози бўлдим, чунки қоидабузарликлардан бири биз учун сариқ карточкага айланди, лекин улар худди шундай қоидабузарликни уч-тўрт марта содир этишди, сариқ карточка эса йўқ эди, шунинг учун мен саволлар бердим ва ҳакамга шикоят қилдим."
Премьер-лига 18-туридан ўрин олган "Челси" - "Астон Вилла" баҳси 27 декабрь куни бўлиб ўтади. Баҳс Тошкент вақти билан 22:30 да старт олади.
