Туриннинг "Ювентус" клуби америкалик ярим ҳимоячиси Уэстон Маккенни жамоада қолишга умид қилаётганини, аммо клуб билан янги шартнома тақдири унинг агентлари қўлида эканини айтди.
Унинг сўзларига кўра, у Лучано Спаллетти қўл остида "Ювентус"да бахтли, футболчи уни ажойиб мураббий деб атади.
"Ювентус"да қолишга умид қиламан. Аммо вазиятни агентларимга топширдим. Мен бу ерда Спаллетти билан бахтлиман, у ажойиб мураббий," - дея Маккенининг сўзларини келтиради Фабрицио Романо.
27 ёшли футболчининг амалдаги келишуви 2026 йилнинг 30 июнида якунига етади. Унинг бозор қиймати 22 млн еврони ташкил этади.
