"Наполи" бош мураббийи Антонио Конте ярим ҳимоячи Скотт Мактоминай ва ҳужумчи Расмус Хёйлуннинг ўйини ҳақида фикр билдирди.
"Энди ҳамма Хёйлунд ва Мактоминай ҳақида гапиряпти... Эсингиздами, улар "Манчестер Юнайтед"да деярли ўйин амалиёти олмаган? Ўзингизга бир нечта савол беринг... Мен ва ходимларим ниманидир тўғри қилган бўлсам керак. Бунинг сабаби бўлиши керак," - дея Контенинг сўзларини келтиради журналист Фабрицио Романо.
Аввалроқ, "Наполи" Италия Суперкубогида "Болонья" билан финал баҳсида ғалаба қозонишга муваффақ бўлганди. Ўйин 2:0 ҳисобида якунланди. Ўйинда Давид Нерес дубль муаллифи бўлди.
