Саудия Арабистони чемпионатида "Ал-Ҳилол" шарафини ҳимоя қилаётган португалиялик ярим ҳимоячи Рубен Невеш Италия чемпионатига кўчиб ўтиши мумкин.

Caught Offside журналистларига маълум бўлишича, ярим ҳимоячини А Сериянинг икки топ-клуби ўз сафига қўшиб олмоқчи. Гап Туриннинг "Ювентус" ва Миланнинг "Интер" клублари ҳақида кетмоқда.

Невешнинг ўзи фаолиятини Англия Премьер-лигасида давом эттирмоқчи, унга "Манчестер Юнайтед" ва "Ньюкасл" клублари қизиқиш билдирмоқда.

28 ёшли португалиялик 2023 йилнинг ёзидан буён Саудия Арабистонида тўп тепиб келмоқда. Невешнинг "Ал-Ҳилол" билан амалдаги шартномаси 2026 йилнинг июнь ойи охиригача мўлжалланган ва унинг бозор нархи 25 миллион еврога баҳоланмоқда.