"Манчестер Юнайтед" бош мураббийи Рубен Аморим кадрлар масаласида фикр билдирди. Жума куни "қизил иблислар" ўз майдонида "Ньюкасл"га қарши баҳс олиб боради.
"Фернандеш ва Майну ўйнайдими? Йўқ, бу ўйинда улар бўлмайди, улар тикланмоқда. Бунга кўп вақт кетади деб ўйламайман. Кобби Брунуга нисбатан тезроқ қайтиши керак. Менда тасаввур бор, лекин кўрамиз. Ўйиннинг турли вариантларини синаб кўришимиз керак бўлиши мумкин.
Магуайр ва де Лигтми? Улар билан ишлашда давом этамиз. Кейинги ўйинда улар бўлмайди. Кўрамиз, ундан кейин қандай бўларкин," - деди Аморим журналистларга.
"Манчестер Юнайтед" ва "Ньюкасл" ўйини 26 декабрь куни Тошкент вақти билан 01:00да старт олади.
