"Барселона" футболчиси Фермин Лопес жамоанинг Чемпионлар лигаси жорий мавсумидаги имкониятлари ҳақида фикр билдирди.

Ўтган мавсум "кўк-анорранглилар" учун ярим финалда Миланнинг "Интер" клубига мағлубият билан якунланган эди.

"Миландаги мағлубиятдан кейин жуда оғир бўлди. Ҳамма - футболчилар, клуб, мухлислар иштиёққа тўла эди, бирдан ҳаммаси бир зумда тугади. Жуда оғриқли тажриба.

Бизда рақобатбардош жамоа бор - яна бир бор уриниб кўрамиз. Мақсадга ҳали узоқ, унга қадам-бақадам бориш керак, аммо биз финалга чиқишни ва ғалаба қозонишни хоҳлаймиз. Умид қиламанки, бу содир бўлади. Чемпионлар Лигасида ғалаба қозониш - бизнинг мақсад ва орзумиз," - дея Фермин сўзларини келтирмоқда Barca Universal.

Ханс-Дитер Флик жамоаси олти турдан сўнг турнир жадвалида 15-ўринни эгаллаб турибди.