"Барселона" футболчиси Фермин Лопес майдондаги севимли позициясини айтди. 22 ёшли испаниялик ўзининг универсаллиги билан танилган: сўнгги икки мавсумда Ханс-Дитер Флик уни ҳужумнинг иккала қанотида, ҳужумчи остида ва ўрта чизиқда ўйнатишга муваффақ бўлди.
"Қайси позицияда менга энг қулай? Ўйнаш имкониятининг ўзидан хурсандман. Чап қанот вингери, ўнг қанот вингери, ҳужумчи, ҳужумкор ярим ҳимоячи - мен исталган жойда ўйнай оламан. Агар барибир танлаш керак бўлса, мен ўзимни ҳужумкор ярим ҳимоячи позициясида энг яхши ҳис қиламан - айнан ўша ерда менинг сифатларим энг яхши тарзда намоён бўлади," - дея футболчининг сўзларини келтиради Barca Universal.
Фермин Лопес жорий мавсум "кўк-анорранглилар" сафида 18 та ўйинда 7 та гол ва 4 та голли узатмага муаллифлик қилди.
