"Барселона" ярим ҳимоячиси Фермин Лопес ўз жамоасини Ла Лиганинг жорий мавсумида фаворит деб ҳисоблаши ёки ҳисобламаслиги ҳақида жавоб берди.
Каталонияликлар 18 турдан сўнг 46 очко билан турнир жадвалида пешқадамлик қилмоқда ва "Реал"ни 4 очкога ортда қолдирмоқда.
"Асосий фаворит дейиш менга ёқмайди. Бошқа жамоалар билан таққослашни ёқтирмайман. Биз ҳеч кимга қарамаймиз - шунчаки иложи борича яхшироқ ўйнашга ҳаракат қиламиз. Албатта, "Реал" - бизнинг асосий рақобатчимиз, аммо ўз даражамизда қолиб, ҳаммасини тўғри бажаришда давом этсак, натижалар албатта келади," - дея Ферминнинг интервьюсидан иқтибос келтиради Barca Universal.
3 январь куни "Барселона" сафарда "Эспаньол" меҳмони бўлади.
