"Бавария" бош мураббийи Венсан Компани Рождество-Янги йил мавсумида Англиядаги тиғиз тақвим ҳақида гапирди.
"Англияда 13 йил давомида қишки танаффус ва таътил олмаганман. Англиядаги футболчилар учун бу даврда ҳаммаси одатдагидек давом этади. Ўйинлар янада кўпаяди ва жаҳон чемпионатигача шундай давом этади. Бир йил давомида менда бор-йўғи олтита дам олиш куни бўлган," - дея Компанининг сўзларини келтиради Reddit.
Ҳозирда қишки таътилга чиққан "Бавария" Германия Бундеслигаси турнир жадвалида яққол пешқадамлик қилмоқда. Иккинчи ўриндаги "Боруссия" Дортмунддан мюнхенликлар 9 очкога олдинда бормоқда (41 - 32).
