Португалия терма жамоаси бош мураббийи Роберто Мартинес нега Криштиану Роналду ҳамон асосий таркиб футболчиси экани ҳақидаги саволга жавоб берди.
"Кайфият. Биз доимий равишда таҳлил қиладиган учта омил бор: иқтидор, тажриба ва у терма жамоага олиб келадиган кайфият. У ўзига қўядиган максимал талабчанлик, унинг жамоа ёнида бўлиш ва ёрдам беришга тайёрлиги - айнан шу нарса Роналдуга доимий равишда қайдномада қолиш имконини беради. Унинг энг яхши бўлишга интилиши юқумли. У голлар уради ва терма жамоага катта фойда келтиради," - дея Мартинеснинг сўзларини келтиради Marca.
2026 йилнинг ёзида Португалия терма жамоаси жаҳон чемпионатида иштирок этади. Турнирга учта давлат - АҚШ, Канада ва Мексика мезбонлик қилади.
