Франция терма жамоасининг собиқ футболчиси Франк Лебёф жаҳон чемпионати - 2026 Криштиану Роналду учун худди Лионель Месси учун ўтган мундиал каби бўлишини истамоқда.
"2022 йилги жаҳон чемпионати Мессига бағишлангандек туюлди. Умид қиламанки, 2026 йилги жаҳон чемпионати Роналдуга бағишланади. У учун мундиални ютиш фантастика бўларди - Португалия учун ҳам. Улар ниҳоятда кучли жамоага эга, шунинг учун бунинг иложи бор," - дея Лебёфнинг сўзларини келтиради Goal портали.
Жаҳон чемпионати - 2022 финалида Лионель Месси бошчилигидаги Аргентина терма жамоаси Францияни мағлуб этди. 3:3 ҳисобидаги дурангдан сўнг "альбиселесте" пенальтилар сериясида ғалаба қозонди.
