"Милан" клуби ва Нидерландия терма жамоасининг собиқ футболчиси Кларенс Зеедорф Англия чемпионати жамоаларига амалга ошмаган трансферлар ҳақида гапирди.
"Менга бир неча бор Премьер-лига жамоалари қизиқиш билдиришди. "Аякс"дан кетганимдан кейин "Манчестер Юнайтед" ва "Арсенал"дан таклифлар бўлганди. Бу икки жамоа "Сампдория"дан кетгач, "Реал"га ўтишимдан олдин ҳам менга қизиқиш билдиришганди. "Реал"дан кетганимдан сўнг "Интер"ни танладим, "Арсенал" ва "Манчестер Юнайтед" менга яна таклифлар юборди.
Балки мени қўлга киритмоқчи бўлган АПЛнинг бошқа клублари ҳам бўлгандир. Лекин ўша пайтда Италия чемпионати бугунги АПЛ каби машҳур жой эди. Афсуски, Англияда ўйнай олмадим. Аммо бу ҳолатда фаолиятим қандай кечишини ҳеч ким билмайди," - дея Зеедорфнинг сўзларини келтиради Prime Video Sport.
Кларенс Зеедорф фаолияти давомида "Аякс", "Сампдория", "Реал", "Интер", "Милан" ва "Ботафого" клубларида ўйнаган. Нидерландиялик собиқ футболчи 2014 йилда фаолиятини якунлаган.
