Наманганнинг "Навбаҳор" клуби Тимур Кападзе қўл остида Тошкентда аллақачон янги мавсумга тайёргарликни бошлаб юборди.
Жамоа таркибида ҳозирда бир қатор ўзгаришлар бўлмоқда. Телеграмдаги Navbahornews канали хабарига кўра, жамоани ҳимоячи Мирзоҳид Ғофуров ва ярим ҳимоячи Азим Аҳмедов тарк этган.
Трансфер ҳуқуқлари Россиянинг "Нижний Новгород" клубига тегишли бўлган Русланбек Жиянов ҳозирда жамоа машғулотларида иштирок этмоқда. Клуб 24 ёшли вингерни олиб қолишга ҳаракат қилмоқда.













